«Հունիսի 7-ին մենք մեր ձևով կկանխենք այդ պլանը»,- այսօր դատարանի բակում լրագրողների հետ ճեպազրույցում ասաց «Ուժեղ Հայաստան» դաշինքի առաջնորդ Սամվել Կարապետյանը՝ անդրադառնալով հարցին, որ իշխանությունների օրակարգում շարունակում է մնալ Վեհափառին հրաժարական պարտադրելու պլանը, ինչպե՞ս են դիմակայելու դրան։
Հարցին, թե հաղթանակի դեպքում ո՞ւմ է նշանակելու բարձր պաշտոնների, Սամվել Կարապետյանը պատասխանեց․ «Ուզում եք մեր բոլոր գործընկերներին կալանավորե՞ն, չհասնե՞նք ընտրության։ Կան կոնկրետ որոշումներ, օրը կգա, բարին հետը»։
Անդրադառնալով իշխանության ներկայացուցիչների այն հայտարարություններին, թե 100 հազար մարդ է Ռուսաստանից բերվելու Հայաստան, որպեսզի քվեարկեն «Ուժեղ Հայաստան»-ի օգտին, Սամվել Կարապետյանը պատասխանեց․ «Մենք ո՞նց բերենք, ես տնային կալանքի պայմաններում եմ, իրենք ազատության մեջ են։ Փաշինյանն ասաց՝ ով գա, իրենց է քվեարկելու, նշանակում է՝ Փաշինյանն է բերում այդ մարդկանց։ Փաշինյանը համ այդ մարդկանց է բերում, համ ուրիշ ֆոկուսներ էլ է անելու»։
Սամվել Կարապետյանն ասաց, որ Նիկոլ Փաշինյանը մեծ թվով համախոհներ չունի։ «Ձեզ թվում է, որ Փաշինյանը հիմա այնքան համախոհներ ունի, որ փողոց հեղեղի՞։ Չեք տեսնո՞ւմ, Փաշինյանը բարձում է ավտոբուսները, տանում է նույն մարդկանց, ելույթ է ունենում, նստեցնում է ավտոբուսները, հետ է ուղարկում։ Փաշինյանն արդեն ճանապարհի վրա է, մենք իրեն հունիսի 7-ին օգնելու ենք, որ հասնի տեղ»,- ասաց նա։
Կարդացեք նաև
Հարցին, թե հնարավոր համարո՞ւմ է, որ ընտրություններն իրապես արդար կանցկացվեն, Սամվել Կարապետյանը պատասխանեց․ «Հնարավոր համարում եմ, ասացինք՝ խելագար, հո այդքան խելագար չեն, որ բռնեն ընտրությունները փչացնեն»։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
