ՌԴ փոխվարչապետ Ալեքսեյ Օվերչուկը հայտարարել է, որ հայկական ներմուծման նկատմամբ հնարավոր նոր միջոցները կախված կլինեն նրանից, թե արդյոք արտադրանքում կբացահայտվի սպառողների համար որևէ պոտենցիալ վտանգ։
«Եթե ինչ-որ բան գտնեն, ապա (միջոցներ) կձեռնարկվեն, եթե չգտնեն, ապա չեն ձեռնարկվի», – ՌԻԱ Նովոստիին ասել է նա՝ պատասխանելով համապատասխան հարցին Սանկտ Պետերբուրգի միջազգային տնտեսական ֆորումի շրջանակում։
Օվերչուկի խոսքով՝ հայկական արտադրանքի նկատմամբ նոր հնարավոր սահմանափակումները պայմանավորված կլինեն բացառապես այն հանգամանքով, թե վերահսկող մարմինները կբացահայտե՞ն արդյոք սպառողների համար վտանգ ներկայացնող որևէ խնդիր։
