«Ինչ վերաբերում է գազի գնի թանկացմանը, մենք պայմանավորվածություններ ու պայմանագիր ունենք, ընդ որում, երկարաժամկետ։ Ես դժվար եմ պատկերացնում, թե այդ պայմանագրի կողմը պայմանագրից ինչպես պետք է հրաժարվի։ Բայց ամեն դեպքում մենք բոլոր սցենարներն ունենալու ենք, որովհետեւ այս խոսակցությունները ձեզ համար են նորություն, ինձ համար նորություն չեն։ Ես 8 տարի տարին երկու անգամ այս խոսակցությունների մեջ եմ»,- այսօր լրագրողների հետ ճեպազրույցում ասաց Նիկոլ Փաշինյանը։
Նա անդրադարձավ նաեւ հարցին՝ հնարավո՞ր է Հայաստանին հեռացնեն ՀԱՊԿ-ից․ «Ես գիտեմ, որ ՀԱՊԿ-ից հեռացման մեխանիզմ կա։ Եվ եթե անդամ երկրները որոշեն Հայաստանին հեռացնել, մենք ստիպված կլինենք այդ որոշումն ընդունել ի գիտություն»։
Մանրամասները տեսանյութում
Կարդացեք նաև
Անդրադառնալով հարցին, թե առաջիկայում Ռուսաստան այց ունենալո՞ւ է, Նիկոլ Փաշինյանը պատասխանեց․ «Այցի հետ կապված եղել է ըմբռնում, բայց պետք է հրավեր լինի, որ գնամ։ Երբ որ հրավեր լինի, կգնամ, չեմ մերժի հրավերը հաստատ»։
Մանրամասները՝ տեսանյութում
Հարցին՝ եթե Պուտինի չշնորհավորի իրեն ու չճանաչի ընտրությունները, ի՞նչ փուլ է սկսվելու հայ-ռուսական հարաբերություններում, Նիկոլ Փաշինյանը պատասխանեց․ «Ի՞նչ է նշանակում՝ չճանաչել ընտրությունները։ Դիտորդական առաքելությունն իր եզրակացությունը տվել է, ներառված են եղել նաեւ ՌԴ դիտորդները, մնացածը հռետորիկայի հարց է, կքննարկենք»:
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
