«Ունենք լավ լուրեր՝ այս օրերին արտաքին գործերի նախարարն այցով գտնվում է Եվրոպական միությունում։ Արտաքին գործերի նախարարների ձեւաչափով տեղի են ունեցել քննարկումներ, եւ Եվրոպական միությունը հաստատել է հանձնառությունը՝ Հայաստանում կուտակիչ կայանների զարգացման գործում արագացված աջակցություն ցուցաբերելու համար»,- ԱԺ նստաշրջանում 2025 թվականի բյուջեի կատարման մասին զեկույցի քննարկման եզրափակիչ ելույթում ասաց Նիկոլ Փաշինյանը։
«Սա նշանակում է, որ մենք մեծ քայլերով շարժվելու ենք դեպի էներգետիկ ավելի լայն անկախություն եւ ավելի հուսալի անվտանգություն, որովհետեւ արդեն հայտնի փաստ է, որ մասնավորապես արեւային էներգետիկայի ոլորտում մենք ունենք անսահմանափակ պոտենցիալ։ Մեզ մնում է պարզապես այդ պոտենցիալն իրացնել, եւ իրացնելու այդ հնարավորություններն այսօր առարկայանում են»,- ասաց Փաշինյանը։
Մանրամասները՝ տեսանյութում
Կարդացեք նաև
Նրա խոսքով՝ կառավարության ծրագրով կուտակիչ կայանների ոլորտում ներդրումներն արագացնելու եւ խթանելու միջոցառումներ են իրականացվելու։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
