Վստահելի տնտեսությունը սկսվում է լավ կառավարումից։
Այս շաբաթ դեսպան Ալեքսանդրա Քոուլը մասնակցեց Կորպորատիվ կառավարման տարեկան համաժողովի բացմանը, որն անցկացվեց Մեծ Բրիտանիայի կառավարության ֆինանսավորմամբ իրականացվող ծրագրի շրջանակում՝ CIPE-ի և Կորպորատիվ կառավարման կենտրոնի հետ գործընկերությամբ։
Օրվա կարևոր արդյունքներից մեկը պետական մասնակցությամբ ընկերություններում կորպորատիվ կառավարման բարելավման մասին հուշագրի ստորագրումն էր։ Հուշագիրը ստորագրեցին ՀՀ ֆինանսների նախարարությունը, Կոռուպցիայի կանխարգելման հանձնաժողովը, Պետական գույքի կառավարման կոմիտեն և Կորպորատիվ կառավարման կենտրոնը։
Կարդացեք նաև
Սա գործնական քայլ է՝ պետության և քաղաքացիական հասարակության համագործակցությամբ ավելի թափանցիկ և հաշվետու կառավարման չափանիշներ առաջ տանելու համար։
Դեսպան Քոուլը նշեց, որ ուժեղ կորպորատիվ կառավարումը ձևավորում է վստահություն, խրախուսում է ներդրումները և օգնում կազմակերպություններին ավելի լավ կառավարել ռիսկերը։
Մեծ Բրիտանիան շարունակում է աջակցել Հայաստանի գործընկերներին՝ տնտեսական դիմակայունությունը, թափանցիկությունը և պատասխանատու ներդրումային միջավայրը ամրապնդելու գործում։
ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության դեսպանություն
