«Նեղվածություն, որպես այդպիսին, չունեմ։ Ենթադրում եմ, որ ինչ-որ պահի, ինչ-որ տեղում օգտակար կլինեմ մեր երկրին»,- խորհրդարանում լրագրողների հետ զրույցում ասաց ԱԺ նախագահ Ալեն Սիմոնյանը՝ պատասխանելով հարցերին, արդյոք նեղսրտած չէ ՔՊ վարչության որոշումից, որ ԱԺ նախագահի պաշտոնում առաջադրել են Ռուբեն Ռուբինյանի թեկնածությունը։
Ալեն Սիմոնյանն անկեղծացավ՝ ասելով, որ լինելով ՀՀ պատմության միակ ԱԺ նախագահը, որը պաշտոնավարել է մինչև ժամկետի ավարտը, «ես կարծում էի, որ իմ աշխատանքը պետք էր շարունակել, դրա համար էլ առաջադրվել էի, բայց ես ենթարկվում եմ վարչության որոշմանը»։
Ավելի ուշ, լրագրողների պնդումներին ի պատասխան, ասաց, որ իր խնդրանքով և Նիկոլ Փաշինյանի հետ քննարկումների արդյունքում են որոշել, որ ինքը պետք է որոշ ժամանակ հանգստանա։
«Չեմ վերցնի մանդատը և չեմ գա ԱԺ պատգամավոր աշխատելու։ Նախ ուզում եմ մի քիչ հանգստանալ։ Ուզում եմ անձնական կյանքս մի քիչ կարգավորեմ հիմնավոր ձևով»,- ասաց Ալեն Սիմոնյանը՝ հավելելով, որ այս գումարման խորհրդարանը հետպատերազմյան էր և բավական ծանր աշխատանք է կատարել։
Կարդացեք նաև
Նիկոլ Փաշինյանի հետ իր հետագա անելիքներն Ալեն Սիմոնյանը չի քննարկել։ Բայց քաղաքականությունից հեռանալ չի պատրաստվում. «Ես քաղաքականության մեջ կամ և միայն ՔՊ-ի շրջանակում, Նիկոլ Փաշինյանի և ՔՊ-ի հետ աշխատելու տարբերակով։ Ես չեմ տեսնում ինձ քաղաքականության մեջ առանց Նիկոլ Փաշինյանի»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Լուսանկարը՝ ՔՊ ֆեյսբուքյան էջից
