«ԵԺԿ-ն Արմեն Աշոտյանին ճանաչել է քաղաքական բանտարկյալ և վերահաստատել է Հայաստանում քաղաքական բանտարկյալների գոյության փաստը։ Նաև պահանջել է Աշոտյանի անհապաղ ազատ արձակումը՝ դեռևս նրա առաջին կալանքի ժամանակ։ Իսկ Նիկոլ Փաշինյանն այժմ բոլոր հնարավոր և անհնար միջոցներով փորձում է դառնալ ԵԺԿ անդամ։ Փաստացի, ձգտում է անդամակցել մի կառույցի, որն աներկբա ճանաչել է, որ Արմեն Աշոտյանը քաղաքական բանտարկյալ է»,- դատարանի մոտ լրագրողների հետ զրույցում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը։
Նա նախատինքի խոսք ասաց նաև այսօր Երևան ժամանած Եվրոպական հանձնաժողովի նախագահ Ուրսուլա ֆոն դեր Լայենի մասին, ով Հայաստանը իր ելույթներում ժողովրդավարական որակեց։
Իր բնութագրմամբ՝ այն, ինչ հիմա տեղի է ունենում Հայաստանում, եվրոպական արժեքների հետ ոչ մի կապ չունի։
Դատարանը, հիշեցնենք, այս պահին քննում է քննիչի միջնորդությունը՝ ՀՀԿ փոխնախագահ Արմեն Աշոտյանի նկատմամբ կիրառված կալանքը ևս երկու ամսով երկարաձգելու վերաբերյալ։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Լուսանկարն՝ արխիվային
