«Ես Վահագն Հովակիմյանից լավ սպասելիքներ ունեմ։ Ես համարում եմ իրեն ինձ ընկեր։ Իր հետ լավ ճանապարհ եմ անցել նաև «Մարտի 1»-ի դեպքերի ուսումնասիրության ընթացքում։ Բարձր եմ գնահատում իր ազնվությունը։ Բացառիկ ազնիվ անձնավորություն է Վահագը, և ես կարծում եմ, որ… եթե կան թերություններ, դրանք տեխնիկական են։ ՍԴ-ն այդ ամենի վերաբերյալ պետք է կայացնի իմաստուն որոշում»,- խորհրդարանում լրագրողների հետ զրույցում ասաց ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ պատասխանելով ընտրությունների արդյունքները ՍԴ-ում վիճարկումից սպասելիքների մասին հարցին։
Իսկ պնդումներին, որ Վահագն Հովակիմյանը ՔՊ-ի հիմնադիր անդամ է և չի կարող քաղաքական կապանքներից զերծ լինել, պատասխանեց. «Եթե Արամ Վարդևանյանի ասածն եք ասում, ինքն ամեն տեղ պտտվել է և այսօր ամենաբարձր վարձատրվող փաստաբանն է ՀՀ-ում»։
Հայտարարեց՝ ՍԴ որոշումը ստանալուց հետո լրագրողները կստանան «իրենց հրահանգը»՝ ինչպես տորպեդահարել այն․ «Ձեզ թվում է ես երե՞կ եմ ծնվել»։
Կարդացեք նաև
Նելլի ԳՐԻԳՈՐՅԱՆ
