Հակակոռուպցիոն դատարանում դատավոր Սարգիս Դադոյանի նախագահությամբ լեգենդար հետախույզ, Արցախյան պատերազմների մասնակից, «Ուժեղ Հայաստան» կուսակցության անվտանգային թիմի ղեկավար Արթուր Ավանեսյանի (Կանդազ), որը մեղադրվում է ընտրակաշառքի մեջ, եւ մյուսների գործով դատական նիստում մեղադրող կողմը հրապարակեց գրավոր ապացույցները՝ նշելով, որ սույն քրեական գործով վարույթն իրականացնող քննիչը առաջին ատյանի քրեական դատարանի համապատասխան որոշման հիման վրա Արթուր Ավանեսյանի նկատմամբ իրականացրել է ներքին եւ արտաքին դիտում եւ հեռախոսային հաղորդակցության վերահսկում, որոնց արդյունքները գտնվում են ձայնագրված են լազերային սկավառակում։
Հեռախոսային զրույցների ձայնագրությունները լսելուց հետո նախագահող դատավորը առաջարկեց անցնել մեղադրյալների հարցաքննությանը, սակայն պաշտպանական կողմը հայտարարեց, որ տակտիկական տեսանկյունից նրանց հարցաքննությանը նախապատրաստելու անհրաժեշտություն կա եւ միջնորդեց, որ մեղադրյալների հարցաքննությունն անցկացվի հաջորդ դատական նիստին։
Դատարանը բավարարեց միջնորդությունը։ Հաջորդ դատական նիստը նշանակվեց օգոստոսի 12-ին, ժամը 15։00-ին։
Աշոտ ՀԱԿՈԲՅԱՆ
