«Ինչ որ պլանավորված էր, բավականին արագ տեմպերով առաջ ենք գնում, եթե նայենք, թե մեկ տարվա ընթացքում ինչքան է ծրագիրն առաջ գնացել եւ ինչ զարգացում ունենք արձանագրած, պետք է ասեմ, որ այդ մասշտաբի ծրագրի համար բավականին մեծ արդյունքներ ունենք»,- պատասխանելով TRIPP-ի հիմնարկեքի վերաբերյալ հարցին՝ լրագրողների հետ զրույցում նշեց ԱՄՆ-ում Հայաստանի դեսպան Նարեկ Մկրտչյանը:
Նրա խոսքով. «Կա ուսումնասիրություն, որը կամփոփվի առաջիկա մեկ-երկու ամսվա ընթացքում, որից հետո 2027 թ. սկզբին հնարավոր կլինի իրականացնել TRIPP-ի հիմնարկեքը… օրինակ՝ մի սովորական շենք կառուցելու համար ինչքան ժամանակ է պահանջվում՝ նախագիծ, նախահաշվարկ, պատկերացրեք, այդտեղ ինչքան շերտեր կան… Ուսումնասիրությունը պատվիրված է, ամերիկյան AECOM ընկերությունն է իրականացնում, շուտով դրա արդյունքները կլինեն, գնահատումը կիրականացվի, որին կհետեւի գործնական փուլը:
Մինչ այդ բոլոր ֆորմալությունները, TRIPP Development Company-ի գրանցումը, ամերիկյան ֆինանսական կառույցների հետ դրա բոլոր մանրամասներով եւ փուլերով անցել ենք, բազմաթիվ պատվիրակություններ են մեր կողմից այցելել Վաշինգտոն եւ Վաշինգտոնից են միջգերատեսչական տարբեր հանդիպումներ ունեցել եւ հիմա արդեն ծրագիրը հասունացել է, հասել է գործնական իրականացման փուլ: Կարծում ենք՝ մյուս տարվա սկզբին հնարավոր կլինի իրականացնել հիմնարկեքի արարողությունը»:
Պատասխանելով լրագրողների հարցին՝ ԱՄՆ-ում Հայաստանի դեսպանն ասաց, որ ամբողջությամբ ծանոթ չէ եկեղեցու «ճգնաժամի» վերաբերյալ Փաշինյանի աշխատակազմի զեկույցին, բայց ուսումնասիրում է: Ասաց նաեւ, որ կարծիք կհայտնի, երբ ամբողջությամբ ուսումնասիրի:
Կարդացեք նաև
Գոհար ՀԱԿՈԲՅԱՆ
Լուսանկարը՝ ԱՄՆ-ում Հայաստանի դեսպանության ֆեյսբուքյան էջից
