Սամվել դպիր Գրիգորյանի ֆեյսբուքյան գրառումը
Ադրբեջանի նախկին պետական խորհրդական, ներկայում պրոֆեսոր և հրապարակախոսն արդեն ոչ միայն քննարկում է ՀՀ կառավարության պատրաստած հակաեկեղեցական զեկույցը, այլև մեզ «լուծում» է առաջարկում՝ Եպիսկոպոսաց ժողով գումարել, ի գիտություն ընդունել կառավարության զեկույցը և «ճգնաժամից դուրս գալու» համար փոխզիջման գնալ, իսկ Վեհափառ Հայրապետից պահանջում է հրաժարվել իր գործունեությունից։
Ուշադրություն դարձրեք՝ ՀՀ իշխանության պատրաստած զեկույցն արդեն դարձել է այն նյութը, որի հիման վրա Ադրբեջանի նախկին պետական խորհրդականը մեզ բացատրում է, թե ինչպես պետք է Հայ Առաքելական Եկեղեցին լուծի իր «ներքին խնդիրները»։
Սա ինքնին շատ խոսուն է։
Երբ Հայոց Եկեղեցու դեմ ներսից տարվող պայքարի թեզերը սկսում են շրջանառվել նաև ադրբեջանական տիրույթում, և Ադրբեջանի նախկին պետական խորհրդականն արդեն մեզ ցուցումներ է տալիս՝ ինչ անել մեր Կաթողիկոսի, Եպիսկոպոսաց ժողովի և Եկեղեցու հետ, գոնե այս պահին պետք է հասկանալ, թե ուր է հասել այս ամենը։
Կարդացեք նաև
Գոնե այսքանից հետո քրիստոնյաներիս համար պետք է պարզ լինի, որ խոսքը վաղուց միայն անձանց մասին չէ։ Դա ընդամենը պատրվակ է։ Թիրախում Հայ Առաքելական Եկեղեցու անկախությունը, ներքին ինքնավարությունն ու նվիրապետական կարգն են։
Իսկ ինչո՞ւ: Կարծում եմ շատերի համար արդեն պարզ է դառնում:
