Սերժ Սարգսյանին ընտրած Սերգեյ Գեղամյանը Ազատության հրապարակում երեկ մեծ աղմուկ էր բարձրացրել:
Նա այն կարծիքին է, որ հետընտրական զարգացումները Հայաստանին ոչ մի օգուտ չեն բերի. «Հայ ազգի մասին պետք է մտածենք…պետությունը մնում է պետություն»,- Ր. Հովհաննիսյանի հացադուլից դժգոհեց Սերժ Սարգսյանի ընտրողը:
Նա այնքան էր բարկացել, որ խոստացավ ինքն էլ իր հերթին «տկլոր, տրուսիկ, մայկայով» Ազատության հրապարակ գա ու հացադուլ սկսի. «Ես էլ հաց չեմ ուտի, թող էն պառկողն էլ չուտի, տեսնենք` ով ողջ կլինի»:
Ս. Գեղամյանի պատմելով, ինքը 32 տարի հանցագործության դեմ է պայքարել. «Իսկ սրանք ի՞նչ են արել, թալանելու համար են գալիս»:
Կարդացեք նաև
Հավաքվածների հարցին, թե ո՞ւմ մասին է խոսքը, Ս. Գեղամյանը ասաց. «Ում, որ որոշ մարդիկ ձայն են տալիս»;
Ր. Հովհաննիսյանի համակիրներն էլ թվարկեցին իրենց պատկերացմամբ թալանչի պաշտոնյաների անունները` սկսած Երեւանի քաղաքապետ Տարոն Մարգարյանից վերջացրած ՀՀ 2-րդ նախագահ Ռոբերտ Քոչարյանով:
Իսկ Ր. Հովհաննիսյանի հացադուլը անիմաստ համարող Սերժ Սարգսյանին ընտրած քաղաքացին, մատնացույց անելով Ր. Հովհաննիսյանին, հավելեց. « Տղեն թող գնա բանակ ծառայի: Թող նրա տղեն քաղաքացիություն ընդունի, նոր ծառայի»:
Ավելի ուշ աղմուկ բարձրացրած քաղաքացին առաջարկեց` Սերժ Սարգսյանին ընտրել եք, թող հլը մի տարի պաշտոնավարի, հետո պարզ կլինի:
«Բայց չեն ընտրել, չէ՞»,- հարցրեց Ստյոպա Սաֆարյանը:
Ս. Գեղամյանը նաեւ վրդովված պատմեց, որ իր միակ որդին Ղարաբաղում զոհվել է, հետո սպառնաց` «Ես դրանց կսպանեմ»: Այս ասելուց հետո նրա ու Ր. Հովհաննիսյանի համակիր կանացից մեկի միջեւ կռիվ սկսեց: Կինը նրա օձիքից բռնեց, հրացրեց, թե ում է սպանելու ու մի քանի անգամ քաշքշելուց հետո սպառնաց` չհամարձակվես, գիտես քեզ ինչ կանեմ:
Արփինե ՍԻՄՈՆՅԱՆ
Նրա կողքին էլ կկանգնեն Բաղդասարյան Արթուրը,Գեղամյան Արտաշը,Հայրիկյան Պարույրը և նման հաճախորդները,բայց՝ արդեն առանց տրուսիկների…Հո չեն կարող օրը մի քանի անգամ հանեն-հագնեն…
Ճշմարտությունը ամեն ինչից վեր է…Ինչքան բարձր է նրանց ձայնի ամպլիտուդան ու նրանց մերկանալու հավանականությունը, նունչափ էլ շուտ է ի չիք դառնում նրանց երեսպաշտությունը: Ճշմարտությունը մեկ է 1991 թ. հետո ՀՀ ժողովրդավարական ընտրություններ չեն եղել: Դրա վառ ապացույցը արտագաղթն է, երկրի սոցիալական ծանր վիճակը…
Ուղարկում են, գոնե խելքը գլխին մեկին ուարկեն:Չեք տեսնում. մարդը ադեկվատ չէ….
Նորմալ ընտանիքի կինը ինչ գործ ունի առավոտից երեկո հրապարակում, որ մի հատ էլ զոհվածի հորը սպառնա, այդ մարդը լավ գիտի պատերազմի գինը, ինչպես և ես, ու ձեր նմանները հարվածի տակ դնելով մեր երկրի անվտանգությունը չեք հասկանում ինչ է կորուստը: Ռաֆֆիին ինչ կա, պատերազմ սկսվի ընտանիքը կհավաքի կգնա ամերիկա, դուք ձեր մասին մտածեք.
Էլի մեկ Շուշան ու մեկ Գեղամյան…
Հետաքրքիր ու սիմվոլիկ զուգադիպություննե՞ր են,թե՝ ,,ասա անունդ,ազգանունդ՝ ասեմ դու ով էս,, նոր դիպուկ ասացվածք…