«Ուրարտու» մաքսային պահեստում 1 տոննա բեռի բեռնաթափումը կատարվում է ոչ թե 500 դրամով՝ ինչպես սահմանված է պետական գնացուցակով, այլ 50 դոլարով, ինչպես թելադրել են շուկայական հարաբերությունները։
Վաճառականների միության նախագահ Մակիչ Դեմիրյանը, ի պատասխան մեր թղթակցի հարցին, թե ինչո՞ւ է այդպես, ասաց. «Դե, մենք ապրում ենք հայկական իրականության մեջ։ Թղթի վրա գրվում է մի բան, վճարում ես բոլորովին այլ բան»։
Հետաքրքիր է, թե ո՞ր բյուջե են մուտք գործում սահմանվածից 50 անգամ ավելի վճարումները…
Ի դեպ, երեկվա «Առավոտում» նշված է, որ հիշյալ պահեստը գտնվում է մսի կոմբինատի տարածքում, իսկ կոմբինատի տնօրենը ՀՀ վարչապետի հայրն է։
