Ամենայն հայոց կաթողիկոս Գարեգին Առաջինը սեպտեմբերի 23-ին մեկնելու է Լոս Անջելես՝ Միացյալ հայկական ֆոնդի 100-րդ մարդասիրական թռիչքի հանդիսություններին մասնակցելու նպատակով։ Սպասվում է նաեւ Մեծի Տանն Կիլիկիո կաթողիկոս Արամ Առաջինի մասնակցությունը։ Արդեն հայտնել ենք, որ նույն առիթով Լոս Անջելեսում է լինելու նաեւ Հայաստանի նախագահ Ռոբերտ Քոչարյանը։
ԽՈՐՀՐԴԱՐԱՆԱԿԱՆ ՆԱԽԱՎԱՐԺԱՆՔ
Երկուշաբթի Ազգային ժողովի հերթական նիստից առաջ տեղի կունենա «Երկրապահ» պատգամավորական խմբի ժողովը, որին, ամենայն հավանականությամբ, մասնակցելու է պաշտպանության նախարար Վազգեն Սարգսյանը։ Նմանատիպ ժողով է նախատեսում անցկացնել նաեւ «Հանրապետություն» խմբակցությունը։
«ԱՅԺՄ»-Ի ՎԱՐԴԳԵՍ ԴԱՎԹՅԱՆԸ
Կարդացեք նաև
ԱԺՄ-ին մոտ կանգնած աղբյուրների համաձայն, այդ կուսակցության «Այժմ» պաշտոնաթերթի խմբագրի պաշտոնից է ազատվելու հայտնի լրագրող Վիգեն Սարգսյանը։ Նրա տեղն է զբաղեցնելու Լյուդվիգ Խաչատրյանը, որը որպես լրագրող հանրությանը հայտնի չէ, սակայն բավական երկար ժամանակ զբաղեցնում էր Կրոնի գործերով վարչության պետի պաշտոնը։
Հիշեցնենք, որ ՀՀՇ-ի «Հայք» պաշտոնաթերթի նախավերջին խմբագիրն էր հոգեբան Վարդգես Դավթյանը։
