ՀՀ նախագահի նախկին թեկնածու Կարեն Դեմիրճյանի գլխավորած Հայաստանի ժողովրդական կուսակցությունը (ՀԺԿ) հանրապետության առավել հանրահայտ քաղաքական կազմակերպությունների ցուցակում առաջինն է։
«Սնարք» գործակալության հաղորդած տվյալների համաձայն, այս տարվա հոկտեմբերին «Լոգոս» անկախ սոցիոլոգիական կենտրոնի կատարած սոցիոլոգիական հարցման արդյունքում, 670 հարցվածներից 27,79 տոկոսը նախապատվությունը տվել է ՀԺԿ-ին, 19,77-ը՝ Հայաստանի կոմունիստական կուսակցությանը, 14,33-ը՝ ՀՅԴ-ին, 9,74-ը՝ «Երկրապահին», 6,2-ը՝ ԻՄ-ին։ ՀԺԿ-ի առաջնորդ Կարեն Դեմիրճյանի վարկանիշը ամենաբարձրն է այսօր գործող քաղաքական եւ պետական գործիչներից՝ 33,13 տոկոս։ Երկրորդ տեղում է ՀՀ նախագահ Ռոբերտ Քոչարյանը՝ 18,78 տոկոս, երրորդ տեղում՝ ԱԺՄ-ի առաջնորդ Վազգեն Մանուկյանը՝ 16,67։ Այնուհետեւ գալիս են Սերգեյ Բադալյանը (ՀԿԿ)՝ 13,29, Պարույր Հայրիկյանը (ԻՄ)՝ 3,8, Վահան Հովհաննիսյանը (ՀՅԴ)՝ 3,59, Վազգեն Սարգսյանը (Պաշտպանության նախարար)՝ 3,16 տոկոս։
ՍՆԱՐՔ