«Զվարթնոց» օդանավակայանի աշխատողներից մեկի վկայությամբ ԼՂՀ պաշտպանության նախարար Սամվել Բաբայանի յուրաքանչյուր թռիչքից առաջ հատուկ աշխատանք է տարվում ճանապարհն ավտոմեքենաներից, օդանավակայանը մարդկանցից մաքրելու եւ անվտանգությունն ապահովելու համար։ Սակայն նույնը չես ասի ԼՂՀ նախագահ Արկադի Ղուկասյանի եւ ԱԳ նախարար Նաիրա Մելքումյանի մասին։ Վերջիններս համեստ ու անաղմուկ հասան օդանավակայան եւ նույնքան անաղմուկ էլ մտան ինքնաթիռ։
Երեւան-Փարիզ-Երեւան երթուղուց Մարգարիտ Եսայանի ռեպորտաժը կարդացեք 5-րդ էջում։
ԲԱ ՄԵ՞ԽԸ
Ընտրական օրենսգրքի 53-րդ հոդվածը պահանջում է, որ հանձնաժողովի 3 անդամներ ստորագրեն քվեատուփի զմուռսի վրա։ Հայտնի չէ, թե դա ինչպես է հնարավոր անել, քանի որ Վիկտոր Դալլաքյանը մոռացել է գրել, թե հարկավոր է ստորագրել մեխով։
Կարդացեք նաև
ՃԿՈՒՆ ԽԱՂԱՐԿՈՒՄ
«Պարույր Հայրիկյանի անձը շատ տուժեց այս վերջին անընդհատ խաղարկումների հետեւանքով։ Ինքը դա շփոթում է քաղաքական ճկունության հետ, բայց՝ չէ։ Այս անգամ շատ խաղաց այս ու այն կողմ, իսկ այդ կուսակցությունում ուրիշ մարդ չկա»,- «Առավոտին» ասաց «Ազգի» խմբագիրը։
Հակոբ Ավետիքյանի հետ հարցազրույցը կարդացեք 5-րդ էջում։
ՄԻԱՍԻՆ
ՀԺԿ-ի այսօր սկսվելիք համագումարում առաջինը նախատեսված է Կարեն Դեմիրճյանի ելույթը։ Մեկ այլ տեղեկությամբ, համագումարում իրադարձություններին ընթացք տալու նախաձեռնությամբ գուցե հանդես գան նախկին ռայկոմականները։ Մասնավորապես նշվում են նախկին առաջին քարտուղարներ Ռուբեն Միրոյանի, Տաճատ եւ Արկադի Սարգսյանների անունները։
