Մայիսի 19-ը հույների ցեղասպանության օրն է: 1916 թվականի մայիսի 19-ին, այնուհետեւ հաջորդ տարում Պոնտոսի շրջանում, Թուրքիայի տարածքի այլ շրջաններում երիտթուրքական նույն կառավարությունը, որը մեկ տարի առաջ իրագործել էր հայերի ցեղասպանությունը, սկսեց նաեւ հույների ցեղասպանությունը: Այստեղ այդ ժամանակ մոտավորապես մեկուկես միլիոն հույն էր բնակվում, որոնց մի մասին թուրքերը կոտորեցին, մյուս մասին ծովը լցրեցին, այսպիսով ոչնչացնելով 400- 600 հազար մարդու: Մնացած պոնտացի հույները ցրվեցին՝ հետագայում ապաստան գտնելով Հայաստանում, Հյուսիսային Կովկասում, Մերձսեւծովյան շրջաններում, Հունաստանում: Հույների ցեղասպանության օրն ընդունվել է Հունաստանի կառավարության կողմից, եւ սպասվում է, որ կընդունվի նաեւ Հայաստանի կառավարության կողմից, քանի որ Հունաստանն ընդունել է Հայոց ցեղասպանությունը: Հունիսի 3-ին այս միտքը քննարկվեց Արտասահմանյան երկրների հետ մշակութային կապերի եւ համագործակցության հայկական ընկերությունում:
ԱՐՄԵՆՊՐԵՍ
ՀԱՅՑԱԴԻՄՈՒՄ
Կարդացեք նաև
Թիվ 29 ընտրատարածքի պատգամավորության թեկնածուներ Հրայր Հակոբյանը, Անուշավան Զաքարյանը, Գառնիկ Պետրոսյանը, Հրաչյա Սարգսյանը, Վարազդատ Գրիգորյանը, Սերյոժա Առաքելյանը դիմեցին ՀՀ Արարատի մարզի 1-ին ատյանի դատարան հայցադիմումով՝ թիվ 29 ընտրատարածքի ընտրությունները անվավեր ճանաչելու պահանջի մասին.
«1999 թ. մայիսի 30-ի թիվ 29 ընտրատարածքում ԱԺ ընտրությունների նախապատրաստման, կազմակերպման ու անցկացման ընթացքում կոպտորեն խախտվել են «ՀՀ ընտրական օրենսգրքի» առանձին հոդվածների պահանջները։
1. Ընտրողների ցուցակները Կենտրոնական ընտրական հանձնաժողովին ներկայացնելիս (ընտրությունից 95 օր առաջ) նախապես ստուգվել են, ճշտվել եւ որեւէ առարկություններ չեն եղել փախստականների քվեարկությանը մասնակցելու վերաբերյալ։ Ներկայացված ցուցակները հաստատվել են։ Թիվ 29 ընտրատարածքում նախապես ներկայացված 29700 ընտրողներից իրականում շուրջ 12000-ը փախստականներ են, որոնք չունեն ՀՀ քաղաքացիություն, հետեւաբար նաեւ՝ ընտրելու իրավունք։ Նշված ընտրատարածքում ընտրողների թիվը զգալիորեն պակաս է օրենքով թույլատրելի նվազագույնից (25000)։
Այսպիսով, խախտվել է «ՀՀ ընտրական օրենսգրքի» հոդված 98-ի պահանջները (ընտրատարածքներում պետք է ընդգրկված լինեն հավասար թվով ընտրողներ։ Թույլատրվում է ընտրողների թվի մինչեւ 15% տարբերություն)։
2. Թիվ 29 ընտրատարածքի 6 տեղամասերում (Սիփանիկ, Ձորակ, Դարբնիկ, Հայանիստ, Նիզամի, Խաչփառ) ընտրական հանձնաժողովների կազմում ընդգրկվել են ՀՀ ընտրական իրավունք չունեցող քաղաքացիներ։ Դրանով իսկ խախտվել է «ՀՀ ընտրական օրենսգրքի» հոդված 34-ի 1-ին կետի պահանջը։
Ելնելով շարադրվածից՝ դատարանից խնդրվում է թիվ 29 ընտրական տարածքի ընտրությունները համարել չկայացած (անվավեր)»։
ՓՈՂԵՐԸ ՊՐԾԱ՞Ն
Ընտրություններից հետո ՀՀ մշակույթի, սպորտի եւ երիտասարդության հարցերի նախարարության աշխատակիցները զրկվեցին ամեն շաբաթ անվճար տրվող 20 լիտր բենզինից։
Սեփ. լր.
