ԱԺ պատգամավոր Վիկտոր Դալլաքյանը ոչ մի կերպ չի հաշտվում հունիսի 8-ի «Առավոտում» տպագրված տեղեկատվությանը, որ «թիվ 47 ընտրատարածքում Վիկտոր Դալլաքյանին նորից ԱԺ հասցնելու վեհ գործին լծվել էին ոչ միայն ոստիկանությունն ու բանակը, այլեւ Ճաճոյանց Էդոն»։
Երեկ պրն Դալլաքյանը տեղեկացրեց, որ «թիվ 47 ընտրատարածքում քվեարկությանը մասնակցել է առավելագույնը 260 զինվոր»։ Այնուհետեւ, կարճատեւ մաթեմատիկական հաշվարկից հետո պրն Դալլաքյանն ավելացրեց. «Ես մոտ 3600 ձայն ավելի եմ հավաքել Արտաշես Թումանյանի ձայներից։ Այսինքն՝ եթե 260 ձայն էլ նվիրեմ «Առավոտին», էլի կստացվի, որ մոտ 3300 ձայնով ավելի եմ։ Բանակը, Ճաճոյ Էդոն, ոստիկանությունը եւ այլն որեւէ դեր չեն կատարել, այլ ժողովուրդն է դեր կատարել՝ ինձ է ընտրել»։
Ա. Ս.
Հ. Գ. «Առավոտն», իհարկե, զգացված է պրն Դալլաքյանի նվիրատվությունից, բայց լավ կլիներ, որ զինվորական 260 ձայնի փոխարեն պրն Դալլաքյանն «Առավոտին» նվիրեր որակյալ ընտրական օրենսգիրք։
