ԱԺ կանոնակարգն այս օրերին լուրջ վերատեսությունների է ենթարկվում։ Խմբերն ու խմբակցություններն իրենց առաջարկություններն են ներկայացնում այդ փաստաթղթի փոփոխությունների վերաբերյալ։ Գոնե մեկ հարցում նրանք միակարծիք են՝ երկուական օգնականի հաստիք սահմանել մեծամասնական կարգով ընտրված պատգամավորների համար՝ մեկն ընտրատարածքում, մյուսը՝ պառլամենտում։ Իսկ համամասնական կարգով ընտրված պատգամավորներին էլ տարածքներում հատկացնել փորձագետ-օգնականներ։
ԲԵՆԶԻՆԸ ԷՆԵՐԳԱԿԻՐ ՉԷ
Կարդացեք նաև
Տարբեր աղբյուրներից հաստատվում է «Առավոտի» երեկվա լուրն այն մասին, թե օգոստոսի 1-ից բարձրացվելու է ակցիզային հարկը ծխախոտի եւ բենզինի վրա։ Կա միայն մի տեխնիկական ճշտում. պարզվում է, բենզինը էներգակիր չէ։
ՆՈՐ ԲՈՒՌՆԱՇՆԵՐԸ ՕԳՈՍՏՈՍԻ ՍԿԶԲԻՆ
Կենտրոնական ընտրական հանձնաժողովի որոշմամբ, Աջափնյակ թաղամասում համայնքապետի թեկնածու առաջադրվելու համար սահմանված է քառօրյա ժամկետ՝ օգոստոսի 4-7-ը։ Դրանից հետո միայն կիմացվի, թե ովքեր են հաջորդ շարքի բուռնաշները, անկախ նրանից՝ հիմա նրանք բացահայտորեն խոսում են իրենց նպատակների մասին, թե՝ ոչ։
ՍԵՎԱՆԸ ՄԵԿ ՏԱՐՈՒՄ
Հայաստանի էկոլոգիական շրջանակների գնահատմամբ, Սեւանա լճի վիճակը պարզապես աղետալի է։ Անցյալ տարվա օգոստոսի 1-ի համեմատ, լճի մակարդակն իջել է 31 սանտիմետրով։ Խնդիր. հաշվենք, թե մեջը որքան փող կա։
