Իսրայելի հայ համայնքի հետ հանդիպման ժամանակ Ռոբերտ Քոչարյանը խոստովանել է. «Եթե այսպես շարունակվի՝ եւս 1-2 օր մնամ, հավատացյալ կդառնամ»։
ՎԱՏ ԼՈՒՐ
Արարատյան տարածաշրջանի մաքսատան բեռների ձեւակերպման բաժանմունքի նախկին պետ Մարտին Միրգիրյանը կաշառակերության համար ձերբակալված է իրավապահ մարմինների կողմից։ Լուրեր կան, թե վերջինիս տան խուզարկության ընթացքում հայտնաբերվել է «սեւ ցուցակ», որում նշված պաշտոնատար մաքսավորների անունների կողքին համապատասխան խոշոր չափերի գումարներ են գրված եղել։ Այդ գումարները, մաքսավորների լեզվով, կոչվում են «չայեւոյներ»։ Այս գործով հարցաքննվել են նույն համակարգի մի շարք աշխատակիցներ։ Սպասվում է այդ համակարգում աշխատողների՝ աշխատանքից ազատման դիմումների տեղատարափ։ Այժմ Մ. Միրգիրյանը, որը, մինչ ձերբակալվելն աշխատում էր այդ համակարգում որպես բեռների ձեւակերպման տեսուչ, գտնվում է Նուբարաշենի ուղղիչ-աշխատանքային գաղութում։
