Չնայած գյուղատնտեսության նախարար Զավեն Գեւորգյանը հրապարակավ դեմ արտահայտվեց ՀԺԿ-ի եւ «Ազգային միաբանության» դաշինքին ու մանավանդ դրա հականախագահական ուղղվածությանը՝ այնուամենայնիվ, նրա մոտալուտ պաշտոնանկության մասին լուրերը շարունակում են մնալ շրջանառության մեջ։ Նշվում է անգամ նրան հնարավոր փոխարինողի անունը, որ Արարատի մարզպետ Հովիկ Աբրահամյանն է։
ՍԵՐԺ ՍԱՐԳՍՅԱՆԻ ՕՐՈՔ
– Գալով աշխատավայր, տեսել եմ ՆԳ պահակային ծառայության 120 զավթիչների։ Այդ ժամանակվա ՆԳ նախարար Սերժ Սարգսյանի կարգադրությամբ զավթել են իմ սեփականությունը հանդիսացող գործարանը եւ ինձ արգելել են մտնել գործարան,- երեկ Էջմիածնի դատարանում ասաց «9-ի գործով» մեղադրյալ, «Բազալտի» տնօրեն Համլետ Ասրյանը։
Կարդացեք նաև
ԺՈՂՈՎՈՒՐԴՆ ԱՌԱՋՎԱ ՊԵՍ ԼԱՎ ՉԻ ԱՊՐՈՒՄ
Մի քանի ամիս առաջ, երբ Անդրանիկ Մանուկյանը ոչ թե նախարար, այլ ԱԺ պատգամավոր էր, մամուլում հայտարարել էր, որ, եթե ընդամենը երեք ամիս նախարարները կաշառք չվերցնեն եւ պետության փողերը չգրպանեն՝ ժողովուրդը կսկսի լավ ապրել։ Օրերս լրանալու է նոր կառավարության ձեւավորման եւ պարոն Մանուկյանի նախարարի պաշտոնում նշանակման 3-րդ ամիսը, բայց ժողովուրդն առաջվա նման վատ է ապրում։ Հետաքրքիր է, սա կարո՞ղ է վկայել այն մասին, որ նոր նախարարները առաջվա պես շարունակում են կաշառք վերցնել կամ գրպանել պետության փողերը։
