Պարզվում է, որ եթե ռուսերեն ՊԱՉԷՍ հապավումը թարգմանես հայերեն, ամենեւին էլ համբուրել չի նշանակի, այլ՝ Սեւծովյան տնտեսական համագործակցության Խորհրդարանական վեհաժողով (ՍՏՀԽՎ)։ Պարզվում է նաեւ, որ Հայաստանը հիմա նախագահող է այդ կազմակերպությունում, ինչից բխում է, որ մեր խորհրդարանի խոսնակ Արմեն Խաչատրյանն այդ Խորհրդարանական վեհաժողովում նախագահող է։ Հայաստանը կնախագահի մինչեւ 2001 թվականի հունվար՝ ավարտելով հունիսին ստանձնած իր դերը։ Իսկ նոյեմբերին Երեւանում տեղի կունենա ՍՏՀԽՎ-ի հերթական նիստը՝ 11 երկրներից ժամանելիք 130 պատգամավորի մասնակցությամբ։
ՔՐԵԱԿԱՆ ԳՈՐԾԻ ՊԱՀԱՆՋ
Կարդացեք նաև
«Ազատություն» կուսակցության ղեկավար Հրանտ Բագրատյանը դիմել էր ՀՀ գլխավոր դատախազություն՝ Արշակ Սադոյանի եւ «Հայոց աշխարհ» օրաթերթի գլխավոր խմբագիր Գագիկ Մկրտչյանի դեմ քրեական գործ հարուցելու պահանջով:
Մանրամասն՝ 3-րդ էջում:
ԷԼ Ի՞ՆՉ ՆԱԽԱՐԱՐ, ՈՐ ԿԱԴՐԱՅԻՆ ՀԱՐՑ ՉԻ ԼՈՒԾՈՒՄ
Կառավարամերձ մեր աղբյուրները հավաստիացնում են, թե վարչապետ Անդրանիկ Մարգարյանի եւ աշխատակազմի ղեկավար նախարար Անդրանիկ Մանուկյանի միջեւ սեւ կատու է անցել ու, ինչպես ասում են, նրանց ջուրը մի առվով չի գնում։ Ըստ նույն աղբյուրների, տարաձայնությունների հիմնական պատճառը կադրային նշանակումներն են։ Մինչդեռ ե՛ւ Ա.Մարգարյանի, ե՛ւ Ա.Մանուկյանի բարեկամ-ծանոթների շրջանակները, բնականաբար, մեծ են։
