Եթե մինչ այժմ որպես «Հոկտեմբերի 27»-ի գործը լսող դատավոր նշվում էր Մալաթիա-Սեբաստիա համայնքների դատավոր Սամվել Ուզունյանի անունը, ապա այժմ նոր թեկնածուներ են հայտնվել։ Մասնավորապես քննարկվում են նաեւ նույն դատարանից Ռազմիկ Թովմասյանի (հայտնի «Վահան Հարությունյան եւ մյուսներ» գործով), Էրեբունու եւ Շենգավիթի դատարանների նախագահներ Սուրեն Կոստանյանի եւ Տարիել Մանուկյանի, ինչպես նաեւ Կենտրոն-Նորք-Մարաշ դատարանից՝ Ռուբեն Ներսիսյանի անունները։
ԷՍ ԷԼ ՉԸԼՆԻ ՀԵՐՎԱՆԸ, ՉԵՆՔ ՄՈՌԱՑԵԼ ԷՆ ԲԱՆԸ…
Անցյալ տարի սեպտեմբերի 21-ին Անկախության տոնի առթիվ հանրապետության նախագահը նպատակահարմար էր գտել մարզահամերգային համալիրում կայանալիք տոնակատարությանը ԱԻՄ-ից հրավիրել միայն մեկ հոգու, եւ այդ մեկը Պարույր Հայրիկյանն էր։ Եթե հիշում եք, ընդամենը մեկ հրավիրատոմս ստացած Հայրիկյանն անցած տարի այնքան նեղված էր, որ նույնիսկ այդ կապակցությամբ ասուլիս հրավիրեց։ Այս տարի, սակայն, պարոն Հայրիկյանը նման բովանդակության ասուլիս չկազմակերպեց, ավելին՝ նախագահի հրավերը փոխանցել էր Ներսես Զեյնալվանդյանին։
Կարդացեք նաև
ՐԱՖՖՈՒ ՍԱՄՎԵԼԸ ԵՎ ԲԱԲԱՅԱՆ ՍԱՄՎԵԼԸ
Դատական նիստերի ընդմիջման ժամերին Ցվետանա Պասկալեւան պարապ չի մնում. նա կարդում է Րաֆֆու Սամվելը ռուսերեն եւ ունկնդրում դատը ինչպես դատավոր Ալեքսանյանն է ասում՝ ղարաբաղերեն։
