Մարտի 10-ին լրացավ հայտնի լրագրող, հրապարակախոս, թարգմանիչ Արմեն Հովհաննիսյանի ծննդյան 65 եւ ստեղծագործության 40 տարին։ 60-ական թթ. հայոց իրականության մեջ ասպարեզ եկավ մի սերունդ՝ օժտված ինտելեկտուալ ներուժի ինքնատիպ արտահայտությամբ։ Այդ սերնդի ներկայացուցիչներից է Ա. Հովհաննիսյանը: Նրա հոդվածները տեղ են գտել մեր երկրի հասարակական ու մշակութային կյանքն արտացոլող «Գարուն» պարբերականի էջերում, «Ավանգարդ» թերթի հրապարակումներում։
Նա բազմաթիվ թարգմանություններ է կատարել։ «Ես իմ հացը ձրի չեմ կերել։ Արել եմ այն, ինչ իմ մասնագիտությունն էր ինձ թելադրում»,- նշեց նա։ Այսօրվա մամուլի, հրապարակախոսության մասին գերադասեց լռել, քանզի մտադիր չէր այդ գեղեցիկ օրը մթագնել ինչ-ինչ դիտողություններով։ Հավելեց, որ վատ չի վերաբերվում ԶԼՄ-ների քանակին, սակայն շեշտեց, թե որակն էլ պետք է բարձր լինի։
ԱՆՆԱ ՆԱԶԱՐՅԱՆ
