ՊԵՏՔ Է ՄԻՆԻՄԱԼ ԾԱԽՍԵՐՈՎ ՔԱՂԵԼ ՄԱՔՍԻՄԱԼ ՕԳՈՒՏ

Երեկ «Անի» հյուրանոցում Էլեկտրակապի միջազգային միության (ITV), Կապի տարածաշրջանային համագործակցության գործադիր կոմիտեի եւ ՀՀ տրանսպորտի եւ կապի նախարարության նախաձեռնությամբ՝ կազմակերպվել էր «Գնագոյացում հաճախության օգտագործման համար» թեմայով տարածաշրջանային սեմինար։

Սեմինարին մասնակցում էին Լատվիայի, Տաջիկստանի, Մոլդովայի, Ուկրաինայի եւ այլ երկրների ռադիոհաղորդակցության եւ հեռահաղորդակցության կազմակերպությունների ներկայացուցիչներ։ Քննարկվեցին ազգային սպեկտորի կառավարման հիմունքները՝ ֆինանսավորումը, գնագոյացման հարցերը, գործունեությունը եւ ռեսուրսները։

Ըստ Էլեկտրակապի միջազգային միության ռադիոկապի բյուրոյի խորհրդատու Ալբերտ Նալբանդյանի՝ «Հեռուստահաղորդակցությունը եւ ռադիոհաղորդակցությունը անգնահատելի դեր են կատարում մեր իրականության մեջ, ուստի Հայաստանի հիմնական խնդիրն է տեղական գները միջազգայնացնել։ Հիմա մեր գերխնդիրն է ստեղծել պայմաններ, որպեսզի երկրի ամեն բնակչին հնարավորություն ընձեռվի օգտվել էլեկտրակապից, հետեւաբար, տեղեկատվություն ստանալ նաեւ զանգվածային լրատվության միջոցներից։

Ցանկացած ռադիոհաղորդակցության միջոց փորձում է մինիմալ ծախսերի միջոցով քաղել մաքսիմալ օգուտ։ Դա կնպաստի ռադիոհանգույցի ծանրաբեռնվածության թեթեւացմանը։ Իսկ ինչ վերաբերում է գներին, նշեմ, որ դրանք պետք է սահմանվեն՝ հաշվի առնելով տվյալ երկրի օրենսդրությունը, ազգային շահերը, ռադիո եւ հեռահաղորդակցության տարածման չափերը»։

Կարդացեք նաև

ԿՍՏԵՂԾՎԻ ԱՊԱՀՈՎԱԳՐԱԿԱՆ ՏԵՍՉՈՒԹՅՈՒՆ

• 00:00 31.03.2001

Աշխատիր կես դրույքով

• 00:00 29.03.2001

«Տղամարդիկ տանուլ են տվել»

• 00:00 28.03.2001

Տեղեկացանք նաեւ, որ նախատեսվում է ստեղծել համաշխարհային ինֆորմացիոն կապի ծառայություն, որի հիմնամասը կլինի ռադիոհաղորդակցությունը։

ԱՆՆԱ ԴԱԲԱՂՅԱՆ