![\"\"](\"https://www.aravot.am/2008/aravot_arm/December/24/p1.jpg\")
Երեկ Շենգավիթ համայնքի ընդհանուր իրավասության դատարանի նիստերի դահլիճում, որտեղ ընթանալու էր «Յոթի» դատավարությունը, դահլիճի նստարանների առյուծի բաժինը գրավել էին ոստիկանության աշխատակիցներ՝ «օպերներ» ոստիկանության Կենտրոնի, Մալաթիա-Սեբաստիայի եւ մյուս բաժիններից. նրանց դեմքերը ծանոթ էին դեռ «Մարտի 1»-ի գործով մյուս դատավարություններից, որտեղ նրանք նաեւ հանդես էին եկել որպես տուժողներ կամ վկաներ: Երեկ նրանք դատարանի դահլիճում սադրանքներ հրահրելու առաքելություն ունեին, ինչը եւ անում էին: Այս խումբը գլխավորողն ու դատական կարգադրիչներին հրահանգ տվողը ոստիկանության Նորք-Մարաշի բաժանմունքի պետի տեղակալ Էդիկ Գալստյանն էր, որը մարտի 1-ի առավոտյան Ազատության հրապարակում ֆոտոթղթակից Գագիկ Շամշյանին ծեծողներից մեկն էր: Դատարանի դահլիճում բազմել էին նաեւ ոստիկանության Երեւան քաղաքի վարչության քրեական հետախուզության եւ պրոֆիլակտիկ բաժանմունքի, նաեւ այլ ստորաբաժանումների աշխատակիցներ: Այստեղ էր, օրինակ՝ քաղաքային վարչության պետի տեղակալ, փոխգնդապետ Հովիկ Հովհաննիսյանը՝ «Դալալ Հովիկ» մականվամբ, որին ժամանակին համակարգից հեռացրել էին 10 հազար դոլար
կաշառք պահանջելու համար:
Կարդացեք
