![\"\"](\"https://www.aravot.am/2009/aravot_arm/May/19/p11.jpg\")
Աբովյանի քաղաքային ստադիոնում ավարտվեց Հայաստանի, Էստոնիայի եւ Ղազախստանի հավաքականների մասնակցությամբ կանանց ֆուտբոլի ընկերական մրցաշարը:
Այն մեր աղջիկների համար առանձնացավ միայն պարտություններով՝ ի հայտ բերելով խաղային ու ընդհանուր՝ ներհանրապետական, առավել եւս՝ միջազգային մրցակցական փորձի պակասը: Եզրափակչի օրը մարզիչ Սամվել Ադամյանի սաները 0:2 հաշվով տանուլ տվեցին Ղազախստանի ընտրանուն եւ զրո միավորով գրավեցին վերջին տեղը:
Ավելին, մեր աղջիկները թե էստոնուհիների, թե ղազախների հետ մրցապայքարում բավականին ջանք ու եռանդ գործադրեցին մրցակիցների դարպասը գոնե մեկ անգամ խոցելու համար: Սակայն այդ ամենը ոչ մի արդյունք չտվեց: Դրա փոխարեն՝ նրանք հինգ անգամ հարկադրված եղան խաղը վերսկսել դաշտի կենտրոնից:
