Երեկ Հայ ազգային կոնգրեսի երիտասարդական թեւի անդամ, հուլիսի 5-ին ձերբակալված Տիգրան Առաքելյանը դադարեցրել է 5 օր շարունակվող իր հացադուլը: Այդ առնչությամբ նա հայտարարություն է տարածել, որում մասնավորապես ասված է, թե «նկատի ունենալով, որ դատարանի ապօրինի որոշմամբ ինձ կալանավորել են 2 ամիս ժամկետով, անհանգստանալով իմ ընկերների առողջության համար (խոսքը ի պաշտպանություն Տ. Առաքելյանի հացադուլ հայտարարած 4 երիտասարդների մասին է- խմբ.), ինչը անհրաժեշտ է խուժանապետության դեմ մեր պայքարին, անսալով հացադուլը դադարեցնելու եւ պայքարի այլ ձեւ ընտրելու ՀՀՇ վարչության կոչին, ես՝ Տիգրան Առաքելյանս, դադարեցնում եմ հացադուլը եւ կոչ անում հացադուլ հայտարարած իմ ընկերներին վարվել նույն կերպ: Մեր պայքարն անկասելի է, հաղթանակը՝ անխուսափելի: Հաղթանակ»:
