Մերձմոսկովյան Օդինցովո քաղաքում դպրոցական թիմերի միջեւ ընթացող շախմատի միջազգային պատանեկան մրցաշարը հատել է հասարակածը:
Մեկնարկային տուրում անհաջողության մատնվելուց հետո Երեւանի թիվ 27 դպրոցի «Միկա» թիմը չի կորցրել մարտունակությունը: Ընդհակառակը, մեր պատանի շախմատիստներն աստիճանաբար ետ են բերել կորցրածը եւ չորս տուրից հետո 10 միավորով արդեն ընթանում են երկրորդ հորիզոնականում: Նրանք վաստակած ընդհանուր թիմային միավորներով զիջում են միայն իր հաշվարկում 13 միավոր գրանցած Կազանի թիվ 6 դպրոցի հավաքականին:
Մրցաշարում միանգամից երեք թիմեր յոթերորդ տուրից առաջ վաստակել են 9,5-ական միավոր եւ կրնկակոխ հետապնդում են առաջատարներին:
