Բելգիայի խորհրդարանի ներքին գործերի հանձնաժողովը երեկ հավանության է արժանացրել հասարակական վայրերում փարաջա եւ դեմքը ծածկող այլ հագուստներ կրելն արգելող օրինագիծը։ Օրենքը խախտելու դեպքում սպառնում է մինչեւ մեկ տարվա ազատազրկում։ Այս մասին տեղեկացնում է «Lragir.am»-ը՝ վկայակոչելով «Ֆրանս պրես»-ը:
Եթե օրինագիծն ընդունվի, Բելգիան կդառնա առաջին եվրոպական երկիրը, որը նման օրենք է ընդունում։ Այն կարող է նաեւ նախադեպ դառնալ, քանի որ Եվրոպայի շատ երկրներում, այդ թվում Գերմանիայում ու Ֆրանսիայում նման տրամադրությունները վերջին շրջանում ուժգնանում են:
