Երեկ, ժամը 21:50-ի սահմաններում, Դավիթ Անհաղթ փողոցի վրա «Հունդայի» մակնիշի 06 00 147 համարանիշով ավտոմեքենան վրաերթի է ենթարկել «Հրապարակ» օրաթերթի լրագրող Գայանե Բաբայանին:
Վրաերթից հետո մեքենայի վարորդ Վահան Եղիազարյանը Գայանեին դրել է մեքենայի մեջ եւ տեղափոխել հիվանդանոց, սակայն հիվանդանոցի ճանապարհին Բաբայանը մահացել է:
Ինչպես փոխանցում է, «news.am»-ը, երեկ երեկոյան դեպքի վայրում են եղել ճանապարհային ոստիկանության ճանապարհային հանցագործությունների բաժնի աշխատակիցները, նաեւ Երեւան քաղաքի ճանապարհային ոստիկանության պետ Արսեն Արշակյանը: