Երեկ չքննարկվեցին «Հեռուստատեսության եւ ռադիոյի մասին» ՀՀ օրենքում նախատեսվող փոփոխությունները երկրորդ ընթերցմամբ: ԱԺ առաջին նիստին մասնակցում էին էկոնոմիկայի փոխնախարար Մուշեղ Թումասյանը եւ միջգերատեսչական հանձնաժողովի անդամ Ավետիս Բերբերյանը, եւ թվաց, թե շուտով կքննարկվի հեռուստատեսության եւ ռադիոյի մասին օրինագիծը՝ երկրորդ ընթերցման ռեժիմով: Սակայն ընդմիջումից հետո ինչ-որ բան փոխվեց, որի արդյունքում սկսվեց «Լեզվի մասին» ՀՀ օրենքում առաջարկվող փոփոխությունների քննարկումը: «Ժառանգություն» խմբակցության ղեկավար Ստեփան Սաֆարյանը մեզ տեղեկացրեց, որ իրենց երեսուն էջանոց առաջարկությունների փաթեթը օրինագծի հեղինակներն ընդհանրապես չէին կարդացել:
