![\"\"](\"https://www.aravot.am/2010/aravot_arm/July/7/p5.jpg\")
Ամառվա տապը երեխաներին դեպի լողավազան ու ջուր է մղում: Իջեւանի քաղաքային զբոսայգում, Տավուշի մարզպետարանից 100 մետր հեռավորությամբ գտնվող լողավազանում երեխաները զովանում են: Աչքի է զարնում ջրի աղտոտվածությունը, հատակը չի երեւում: Ջրի մակերեսին կեղտի մեծ բծեր կան, պլաստմասսայե շշերը ջրում երեխաների հետ «հարեւանություն» են անում:
– Այս ջուրը ե՞րբ է փոխվել,- հարցրի ափին կանգնած մի քանի չափահասների, ովքեր նայում էին լողացող երեխաներին:
– Երեւի մի ամիս առաջ,- պատասխանեցին նրանք:
Չափահասները նայում են կեղտոտ ջրում լողացող անչափահասներին: Իսկ ո՞ւր է նայում ՀՀ առողջապահության նախարարության հիգիենիկ եւ հակահամաճարակային տեսչության Տավուշի մարզի ծառայությունը:
