Սեպտեմբերի 19-ից հոկտեմբերի 4-ը Խանտի-Մանսիյսկում կայանալու է շախմատի 39-րդ համաշխարհային օլիմպիադան, որին մասնակցելու են նաեւ Հայաստանի տղամարդկանց եւ կանանց ազգային հավաքականները:
Օլիմպիական կրկնակի չեմպիոն մեր տղաների հավաքականը Յուգրայի մայրաքաղաքում պայքարելու է տիտղոսը պահպանելու համար: Այդ պատիվն այս անգամ վստահվել է գրոսմայստերներ Լեւոն Արոնյանին, Վլադիմիր Հակոբյանին, Գաբրիել Սարգսյանին, Արման Փաշիկյանին եւ Հայաստանի այս տարվա չեմպիոն Ավետիք Գրիգորյանին: Իսկ մեր աղջիկներից խաղատախտակի առջեւ հանդես գալու են Էլինա Դանիելյանը, Լիլիթ Մկրտչյանը, Լիլիթ Գալոյանը, Նելլի Աղինյանը եւ Անահիտ Խառատյանը:
Կհաջողվի՞ մեր տղաներին երրորդ անգամ անընդմեջ դառնալ օլիմպիական չեմպիոն, հայտնի կդառնա մրցապայքարի ավարտից հետո միայն: Սակայն մի բան հաստատ է. մեր ընտրանին միասնական է, ունի թիմային պայքարի հզոր ոգի, եւ նպատակին հասնելու համար նրանք, ինչպես նաեւ մեր ֆեդերացիան, անում եւ անելու են հնարավոր ամեն բան:
