Թեմի կառավարման գործում լիակատար իրավասություններով կին եպիսկոպոսների ձեռնադրության համար ուղի հարթելիս, անգլիկան եկեղեցու մոդեռնիստորեն տրամադրված մեծամասնությունը Գլխավոր Սինոդում մերժել է անգլիկան եկեղեցու պետ, Քենթրբերիի արքեպիսկոպոս Ռոուեն Ուիլյամսի (նկարում) եւ Յորքի արքեպիսկոպոս Ջոն Սենթամուի առաջարկը՝ պահպանել անգլիկան ավանդապաշտների թեմերի՝ բացառապես տղամարդ եպիսկոպոսների կողմից կառավարվելու իրավունքը: Սակայն անգլիկան եկեղեցու ամենեւին էլ ոչ բոլոր հոգեւորականներն են մոդեռնիստորեն տրամադրված եւ պատրաստ՝ ընդունել կանանց եպիսկոպոսությունը: Անգլիկան հոգեւոր դասի 70 ներկայացուցիչ հուլիսի 10-ին արդեն հանդիպել է Նոթինգհեմի կաթոլիկ եպիսկոպոս Մալքոլմ Մաք-Մահոնի հետ՝ քննարկելու կաթոլիկության անցման հնարավորությունն այն պայմաններով, որ 2009թ. Հռոմի Բենեդիկտոս XVI պապը ներկայացրել է «Anglicanorum Coetibus» առաքելական սահմանադրության մեջ:
Լոնդոնի Սբ. Պողոս եկեղեցու կանոնիկոս Դեւիդ Հուլդինգը նշել է, որ անգլիկան հոգեւոր դասի շուրջ 200 ներկայացուցիչ ներկայումս քննարկում է կաթոլիկ եկեղեցի անցման հարցը:
