ՌԴ նախագահ Դմիտրի Մեդվեդեւի պետական այցը Հայաստան կկայանա օգոստոսի երրորդ տասնօրյակում: Այդ մասին «ԱրմԻնֆոյի» թղթակցին հաղորդել է դիվանագիտական շրջանակների աղբյուրը: Նախնական տեղեկատվության համաձայն, այցը կկայանա մոտավորապես օգոստոսի 19-20-ին, նախատեսված են մի շարք հանդիպումներ: Որոշ տեղեկությունների համաձայն, ռուսական պետության ղեկավարը մտադիր է նաեւ այցելել Գյումրի: Բացի այդ, Դ. Մեդվեդեւը կմասնակցի ՀԱՊԿ գագաթաժողովին, որն առայժմ պաշտոնապես չհաստատված տվյալների համաձայն, կկայանա օգոստոսի 21-ին՝ Երեւանում:
