Շահումյան 4-րդ փողոցի 1-ին նրբանցքի բնակիչները, որոնք տնամերձ այգիներ ունեն, ոռոգման ջուր չունենալու պատճառով տարիներ շարունակ խմելու ջուր են օգտագործում: Եթե բնակիչները որոշ չափով հարցը լուծում են, ապա հարակից կանաչ տարածքներն ու բուսական աշխարհը ջուր չլինելու պատճառով պարզապես անապատացել են. «Խմելու ջրով ինչքան կարող ենք ջրել, էդպես ոնց կլինի, էլ չենք հասցնում»: Այս առնչությամբ, Մալաթիա-Սեբաստիա թաղապետարանի կոմունալ բաժնի պետ Գարիկ Գրիգորյանն էլ պարզաբանեց. «Քաղաքապետարանի «Նոր բարեկարգում» ծրագրով, 2011-ին նախատեսված է ոռոգման ջրագծերի ավելացում, քիչ-քիչ բոլոր թաղամասերում էլ կանցկացվեն, հերթը նաեւ Շահումյան 4-րդ փողոցին էլ կհասնի: Եթե կենտրոնական ջրագծերն անցկացվեն՝ սեփական հատվածները մեխանիկորեն կկպնեն այդ գծերին: Ծրագիրն իրականացնելու համար առաջնահերթությունը տալու ենք լայնամասշտաբ փողոցներին, որտեղ բնակիչներն ավելի շատ են»:
