ՀՖՖ մամուլի քարտուղարությունը տեղեկացնում է, որ ֆուտբոլի Հայաստանի երիտասարդական հավաքականի թեկնածուներ, Բելգիայի «Ռոզելար» թիմի կիսապաշտպան Մասիս Ոսկանյանը եւ Երեւանի «Արարատի» դարպասապահ Գեւորգ Պրազյանը դադարեցրել են մարզումները Եվրոպայի երիտասարդական առաջնության ընտրական մրցաշարի շրջանակներում օգոստոսի 11-ին Վազգեն Սարգսյանի անվան «Հանրապետական» ստադիոնում կայանալիք Հայաստան-Վրաստան հանդիպմանը նախապատրաստվող այս տարիքային խմբի մեր ընտրանու կազմում, քանի որ առաջինը վնասվածք է ստացել, իսկ երկրորդի վերաբերյալ մարզչական շտաբը հավաքական չընդգրկելու որոշում է կայացրել խաղային պրակտիկա չունենալու պատճառով:
Իսկ ահա, ըստ «Sportinfo»-ի, Ֆլեմինգ Սերիցլեւը «Ֆուտբոլ Պլյուսին» տված հարցազրույցում ասել է, որ Եվրոպայի 2011 թվականի առաջնության ընտրական մրցաշարի ավարտից հետո լքելու է թիմը: Դանիացի մասնագետը որոշել է գլխավորել Իրանի «Մաս» ակումբը: