Օլիմպիական խաղերում 14 անգամ հաղթողի պատվանդանին բարձրացած ամերիկացի լողորդ Մայքլ Ֆելպսը, հաղթելով 200 մետր ազատ ոճում, 49-րդ անգամ դարձավ Ամերիկայի ազգային առաջնության չեմպիոն: Նա ցույց տվեց նաեւ մրցաշրջանի լավագույն արդյունքը՝ 1.45,61 վրկ:
Այս ցուցանիշով Ֆելպսը գերազանցեց ԱՄՆ-ի առաջնություններում մինչ այդ Թրեյսի Կոլկինսին պատկանող ռեկորդը (48 ոսկե պարգեւ): Չնայած պատմական նշանակություն ունեցող այս ցուցանիշին, Ֆելպսը դժգոհ է մնացել արդյունքից: Այդ մասին նա ասել է լրատվամիջոցներին՝ հայտարարելով, որ ինքն իրեն դրա համար անտանելի վատ է զգում: Լողորդը դեռ պատրաստվում է մասնակցել Ամերիկայի լողի առաջնության եւս երեք մրցատարածության մեկնարկներին:
