«Ադրբեջանի նախագահ Իլհամ Ալիեւը ցուցադրում է կառուցողական մոտեցում ղարաբաղյան հակամարտության կարգավորման գործընթացում»,- ըստ APA գործակալության, երեկ Բաքվում հայտարարել է Նիդեռլանդների Սենատի նախագահ, ԵԽ Խորհրդարանական վեհաժողովի նախկին նախագահ Ռենե վան դեր Լինդենը: «Ինչ վերաբերում է իմ երկրի՝ ղարաբաղյան հակամարտության կարգավորման գործընթացում ունեցած դիրքորոշմանը, ապա մենք կարծում ենք, որ ԵԱՀԿ Մինսկի խումբը պետք է հանդես գա այդ հակամարտությունը կարգավորելու առաջարկությամբ: Քանի դեռ հակամարտությունը չի կարգավորվել խաղաղ ճանապարհով, տարածաշրջանում մի շարք հարցերի կարգավորման առնչությամբ կարող են ծագել խնդիրներ»,- ասել է վան դեր Լինդենը: