![\"\"](\"https://www.aravot.am/2010/aravot_arm/September/23/p15.jpg\")
Showtime հեռուստաընկերությունը պաշտոնապես հաստատել է, որ թեթեւագույն քաշայինում 4 բռնցքամարտիկների մասնակցությամբ մրցաշարը կմեկնարկի դեկտեմբերի 18-ին, Մեքսիկայում, հաղորդում է armsport.am-ը: Այդ օրը 2 քաշային կարգերում աշխարհի նախկին չեմպիոն Վախթանգ Դարչինյանը կհանդիպի մեքսիկացի Ագներ Մարեսի, իսկ այդ նույն քաշայինում IBF տարբերակով աշխարհի չեմպիոն Յոննի Պերեսը ռեւանշ-մրցամարտ կանցկացնի Ժոզեֆ Ագբեկոյի հետ:
Մրցաշարի մասին իր կարծիքն է հայտնել Վախթանգ Դարչինյանը. «Կարծում եմ՝ այս մրցաշարը Showtime-ի գեղեցիկ նախաձեռնությունն է, սակայն այս մրցաշարը Դարչինյանի մրցաշարն է: Յուրաքանչյուրը, ով կհանդիպի ինձ հետ, կզգա իմ հզորությունը եւ պարտություն կկրի: Ես պարտք եմ մնացել Ագբեկոյին (Վիկը պարտվել է այս բռնցքամարտիկին-խմբ), քանի որ նախորդ անգամ նա խուսափեց ինձնից: Սակայն այժմ մրցակցի անունը կարեւոր չէ: Նույնիսկ 2-րդ կիսաեզրափակչի հաղթողը կպարտվի, քանի որ նրան հարկ կլինի մենամարտել Դարչինյանի հետ»:
