Բրիտանացի գիտնականները մշակել են մեկանգամյա թեստ, որը հնարավորություն կտա ծնողներին 5 րոպեի ընթացքում պարզել՝ իրենց երեխաներն օգտագործու՞մ են թմրանյութ, թե՝ ոչ: Սարքը, որը հիշեցնում է հղիության թեստ, կարող է վաճառքի հանվել առաջիկա երկու տարվա ընթացքում, կարժենա ընդամենը 1.5 ֆունտ: Սարքը 5 մմ-անոց չիպ է, որը տեղադրված է պլաստմասսայի վրա: Չիպի մակերեւույթին գտնվում են հակամարմիններ, որոնք հակազդում են համապատասխան քիմիական նյութերին: Եթե հակամարմինները հաղորդակցման մեջ են մտնում նման նյութերի հետ, միկրոսխեման բռնում է թեթեւ էլեկտրական ազդակ եւ սարքի վրա վառվում է նախազգուշացում: