Քենիայում 92 տարեկան հասակում մահացել է Ակուկու Դենջերը, որն իր կյանքի ընթացքում հասցրել է ամուսնանալ 130 անգամ, որոնցից 30-ն ավարտվել է բաժանությամբ, եւ ունենալ 210 զավակ: Ակուկուն, որը ստացել էր Danger (Վտանգ) մականունը, իր կյանքի ընթացքում ամուսնությունների, բաժանությունների եւ զավակների թվով բազմաթիվ ռեկորդներ է սահմանել: Ակուկու Դենջերն առաջին անգամ ամուսնացել է 1939թ., իսկ վերջին անգամ՝ 1997թ., 79 տարեկան հասակում՝ 18-ամյա աղջկա հետ: Իր կենդանության օրոք Դենջերը հարցազրույցներից մեկի ժամանակ հայտարարել է, որ իր հմայքի գաղտնիքն առողջ սնունդն է: