Գիտնականների հավաստմամբ, բալի հյութը կարող է երկարացնել քնի տեւողությունը: Հետազոտությունները ցույց են տվել, որ այն կամավորները, ովքեր մեկ բաժակ մաքուր, առանց շաքարի բալի հյութ են խմել առավոտյան եւ երեկոյան, ավելի խորն են քնել, քան այն ժամանակ, երբ նույն քանակությամբ այլ հյութ էին խմում: Բալի հյութ խմելուց հետո քնի տեւողությունն ավելանում էր 17 րոպեով: Մեծահասակներից ամեն չորրորդը տառապում է անքնությամբ, քնում է 5 ժամից քիչ: Այս հետազոտությունն անցկացնող Ուիլֆրեդ Պիդջին եկել է այն եզրահանգման, որ բալի հյութը կարող է նման ազդեցություն ունենալ՝ դրանում առկա մելատոնինի բարձր մակարդակի պատճառով:
