![\"\"](\"https://www.aravot.am/2010/aravot_arm/October/29/p26.jpg\")
Մայրաքաղաքի «Հրազդան» մարզաթատերական համալիրի մարզադահլիճում ավարտվեց բադմինթոնի Հայաստանի առաջնությունը, որին մասնակցեց 51 մարզիկ (26 տղամարդ եւ 25 կին)՝ Երեւանից, Իջեւանից եւ Ստեփանակերտից:
Տղամարդկանց եւ կանանց մենախաղերում հանրապետության չեմպիոնի կոչումը նվաճեցին քույր եւ եղբայր Գուրգեն ու Լիլիթ Պողոսյանները, իսկ զուգախաղերում հաղթող դարձան տղաների՝ Հրաչյա Մնացականյան-Սարգիս Իսահակյան եւ աղջիկների՝ Վեներա Բդոյան-Սոնա Ղուկասյան երկյակները: Նրանք բոլորն էլ ներկայացնում են Երեւանի թենիսի եւ բադմինթոնի օլիմպիական հերթափոխի մարզադպրոցը: Խաղարկված մեդալներից անմասն չմնացին նաեւ արցախցիները: Կարեն Պետրոսյան-Հարություն Հարությունյան զույգը տուն վերադարձավ Հայաստանի առաջնության բրոնզե մեդալը նվաճած:
