Ապրիլի 6-ին, ժամը 03.45-ին ոստիկանության Վանաձորի բաժնում ահազանգ էր ստացվել, որ Վանաձորի Տիգրան Մեծի փողոցում գտնվող ռեստորանում մի խումբ երիտասարդներ վիճաբանում են:
Պարզվել է, որ ժամը 03.40-ին մի խումբ երիտասարդներ, գարեջուր խմելու նպատակով, եկել են նշված ռեստորան, սակայն 61-ամյա աշխատակցուհին նրանց չի սպասարկել` պատճառաբանելով, թե ռեստորանը փակվում է: Երիտասարդները կնոջը հայհոյել են՝ պարտադրելով սպասարկել իրենց:
Ռեստորանի մոտից բաժին են հրավիրվել 26-ամյա Արմեն Մ.-ն, 26-ամյա Արտաշես Մ.-ն եւ 31-ամյա Արեն Ա.-ն:
Խուլիգանության փաստի առթիվ կատարվում է հետաքննություն:
