Նոյեմբերի 13-ին Իջեւան քաղաքում կկայանա համայնքի ղեկավարի հերթական ընտրություն: Չնայած պաշտոնապես նախընտրական քարոզչությունը մեկնարկում է հոկտեմբերի 26-ին, սակայն իրականում տեղական հեռուստաընկերության եթերում սկսվել է գործող քաղաքապետ, քաղաքապետի թեկնածու Վարուժան Ներսիսյանի /լուսանկարում/ գովքը: Մասնավորապես, հոկտեմբերի 20-ի երեկոյան «Իջեւան ստուդիա» հեռուստաընկերության «Լրատու» ծրագիրը երկար ներկայացրել է քաղաքապետի գովազդը, թե նա ինչպես է կառուցում քաղաքի ճանապարհները, հոգ տանում մանկապարտեզների նկատմամբ, բարեկարգում զբոսայգին: Խախտվում է նախընտրական քարոզչության օրենքով սահմանված ժամկետը՝ այս տարվա գարնանը Հանրապետական կուսակցությանը անդամագրված Վարուժան Ներսիսյանի օգտին:
Հիշեցնենք, որ Վարուժան Ներսիսյանը Իջեւանի քաղաքապետն է 1999 թվականից, «Իջեւան ստուդիան» գործում է 2004 թվականից: Այս ընթացքում համայնքի ղեկավարի ընտրություններից առաջ Վարուժան Ներսիսյանի մրցակից որեւէ թեկնածուի, թեկուզ վճարովի հիմունքներով, «Իջեւան ստուդիան» եթեր չի տրամադրել:
ՈՍԿԱՆ ՍԱՐԳՍՅԱՆ
