«Մենք ոչ մի բանի իրավունք չունենք էս երկրում, մի կտոր ցամաք հացի իրավունք է՝ դրանից էլ ենք զրկվում»,- այսօր Aravot.am-ին իրենց դժգոհությունը հայտնեցին Մաշտոցի պողոտայի «Փակ շուկայի» աշխատակիցները: Վերջիններս հետեւում էին ՀԱԿ-ի այսօրվա կազմակերպած բողոքի ակցիային: «Մենք մեր ակցիան ունենք, ուզում ենք մեր շուկան չփակվի: Էդ լուսաբանեք է, ոչ թե՝ էս (Նկատի ունեն ՀԱԿ-ի այսօրվա կազմակերպած բողոքի ակցիան-Լ.Խ.): Մեր իրավունքները չեն պաշտպանվում, որ պաշտպանվեին, շուկան չէր փակվի»,-ասում էին շուկայի վաճառականները:
Նրանց ասելով՝ ԱԺ պատգամավոր Սամվել Ալեքսանյանը գնել է Մաշտոցի պողոտայի «Փակ շուկան» եւ պատրաստվում է տեղում Yerevan City կառուցել, որի հետեւանքով, շուկայի աշխատակիցների պնդմամբ, իրենք կդառնան գործազուրկ:
ՀԱԿ-ի հանրահավաքներից եւ Հայաստանի եւ ոչ մի կուսակցությունից քաղաքացիները հույս չունեին՝ միակ ելքն, ինչպես ասացին՝ արտագաղթն է:
Լուսինե ԽԱՉԱՏՐՅԱՆ
