Միջին քաշային կարգում IBF-ի վարկածով աշխարհի նախկին չեմպիոն Արթուր Աբրահամը վերջին մարզումներն է անցկացնում՝ նախապատրաստվելով հունվարի 14-ին Գերմանիայում կայանալիք արգենտինացի Օսկար Ֆարիասի հետ կայանալիք մենամարտին:
ԶԼՄ-ներին տված հարցազրույցում խոսելով «Super Six»-ի շրջանակներում կրած երեք պարտություններից հետո իր հասցեին հնչած քննադատությունների մասին՝ Աբրահամն ասել է, որ դրանց արդեն հանգիստ է վերաբերվում. «Եթե պարտվում ես, քննադատություն էլ անպայման լինում է: Բայց ես հիմա դրա մասին չեմ մտածում, այդ թեման ինձ համար փակված է: Ես մտածում եմ միայն ապագայի մասին»:
Անդրադառնալով պարտությունների պատճառներին՝ Աբրահամը մեկնաբանել է. «Չէի ասի, թե վատ եմ մենամարտել, կամ շատ սխալներ թույլ տվել: Պարզապես, ռինգում չափից ավելi պասիվ եմ եղել»:
Իսկ հարցին, թե ի՞նչ ծրագրեր ունի 2012 թվականին, նա հայտարարել է. «Միայն մի նպատակ կա. դառնալ աշխարհի չեմպիոն»:
Կարդացեք նաև
Աշոտ ՀԱԿՈԲՅԱՆ
