«Քաղաքական գործիչը պետք է լինի կարդացած , ինտելիգենտ, հոգով սրտով մարդ, ոչ թե ռոբոտ, որ առավոտ գնա մանիտորի վրա պոռնո նայի կամ խաղեր խաղա, այլ գործով պիտի զբաղվի»,- Aravot.am-ի հետ զրույցում նման կարծիք հայտնեց դերասան Կարեն Ջանիբեկյանը:
Գարնանը սպասվող ԱԺ ընտրություններից դերասանը մեծ ակնկալիքներ ունի.«Քաղաքական գործչից է կախված մեր ժողովրդի բախտը, անելիքը, բարգավաճումն ու կործանումը: Նայած թե իրենք ոնց կդրսեւորեն, եթե իրենք սիրում են իրենց ազգը ուրեմն ամեն ինչ պետք է անեն որ ազգին լավ լինի, ոնց որ բոլոր հզոր երկրները ազգի համար են անում, ոչ թե մենակ իրանց համար»:
Նրա կարծիքով, արվեստագետները թե նախընտրական, թե ընտրական ու թե հետընտրական շրջանում պետք է հեռու մնան քաղաքականացման փորձերից.« Քաղաքական գործչին ավանգարդ է պետք, իսկ իր ավանգարդը ինտելիգենցիան է, արվեստը, ու նրանք ամեն ինչ անում են, որ մտերմանան արվեստագետի հետ, որ իրենց հոգն էլ քաշի, էսպես ասած, նրանք էլ, չէ՞ հոգ ունեն, ձայների հարց է: Կան արվեստագետներ, որ որտեղից քամին փչում է, էնտեղ էլ նայում են, չգիտեմ մի բան երեւի ստանում են, թե հոգեւոր արժեք է, թե նյութական արժեք: Հուսով եմ՝ այս ընտրությունները նորմալ կանցնեն ու ավելի շատ ինտելիգենցիա կլինի քան թե կլիչկաներով դեպուտատ»:
Արփինե ՍԻՄՈՆՅԱՆ
